Umuyobozi wa FERWAFA ku rutonde rw abasaba agahimbazamusyi kemerewe abakinnyi

Umuyobozi wa FERWAFA ku rutonde rw abasaba agahimbazamusyi kemerewe abakinnyi

Writer/Source: Clement Uwiringiyimana

Perezida w’Ishyirahamwe ry’umupira w’amaguru mu Rwanda (Ferwafa) niwe uyoboye urutonde rw’abasaba agahimbazamusyi abakinnyi bemerewe na Minisiteri y’Umuco na Siporo (MINISPOC).

Nzamwita Vincent De Gaulle na Rubega Patrick ushinzwe kwamamaza no kumenyekanisha ibikorwa bya Ferwafa bari ku isonga kuri urwo rutonde ikinyamakuru Izuba Rirashe gifitiye kopi.

MINISPOC yemereye agahimbazamusyi abakinnyi b’ikipe y’igihugu y’umupira w’amaguru, mu gihe baramuka batsinze Congo-Brazaville umukino wo kwishyura.

Amavubi yaje kubigeraho asezerera Congo-Brazaville ari na bwo abakinnyi baje kwaka ako gahimbazamusyi.

Ibaruwa FERWAFA yandikiye MINISPOC isabira abakinnyi agahimbazamusyi, ndetse n’urutonde rw’abakemerewe.

MINISPOC yeruriye De Gaulle na Rubega ko batemerewe agahimbazamusyi

Minisiteri y’Umuco na Siporo (MINISPOC) yeruriye abayobozi ba FERWAFA ko batemerewe agahimbazamusyi bisabiye.

Nk’uko bigaragara mu ibaruwa MINISPOC yandikiye FERWAFA, « agahimbazamusyi k’imikino ikipe yatsinze kagenerwa abakinnyi na staff technique [abayobozi b’ikipe] gusa. Abandi baherekeza ikipe bahabwa amafaranga y’urugendo (Frais de Mission) »

Mu gushaka kumenya impamvu abayobozi ba FERWAFA bishyize ku rutonde rw’abaka agahimbazamusyi kandi batakemerewe, twavuganye na Perezida w’iri shyirahamwe ry’umupira w’amaguru mu Rwanda, avuga ko atazi neza ko agaragara kuri urwo rutonde.

Nzamwita Vincent De Gaulle yavuze ariko ko atahamya neza ko atari kuri urwo rutonde, ariko ko aramutse aruriho haba harakozwe amakosa ku ruhande rw’Umunyamabanga Mukuru wa FERWAFA wanditse iyo baruwa isaba agahimbazamusyi.

Yabwiye Izuba Rirashe ati, "hari igihe habaho kwibeshya muri administration (mu buyobozi) kuko twe nk’abayobozi duhabwa frais de mission (amafaranga ya misiyo) ntabwo dufata prime (agahimbazamusyi) nk’abakinnyi cyangwa abagize staff technique (abayobozi b’ikipe”.

Nzamwita yakomeje avuga ko ataniyumvisha uburyo yaba yaragizwe nimero ya mbere ku rutonde rw’abasaba agahimbazamusyi kandi atanakemerewe, avuga ko n’iyo yaba akemerewe atari kugahabwa mbere y’abakinnyi.

Twagerageje guhamagara Umunyamabanga Mukuru wa FERWAFA, Olivier Murindahabi, wanditse iyo barwa yoherejwe muri MINISPOC, ntiyitaba telefoni.


SHARE THIS ARTICLE:

Recent Sports news

  • Amavubi arasabwa kwegukana CHAN

    Minisitiri w’Umuco na Siporo, Julienne Uwacu atangaza ko intego bahaye ikipe y’igihugu Amavub....

    Continue Reading »

  • Ikipe ya PSG yaba iri gushaka Cristiano Ronaldo

    Hari amakuru avuga ko ikipe ya PSG yaba yaratanze miliyoni 110 z’amayero muri Real Madrid ish....

    Continue Reading »

  • UEFA Champions League: Tombora isubije Depay iwabo, na Di Maria imusubiza i Madrid

    Imikino ya Champions League yo ku Mugabane w’Uburayi, Tombora yo mu matsinda isize ikipe ya....

    Continue Reading »


“Aya masano agambana ese Rutatina we ntayafitanye na RNC? Erega aba muramu wa Kayumba, nanjye nkaba muramu wa Himbara” Rtd Brig Gen Frank Rusagara

Uwasezerewe mu gisirikari Brig Gen Frank Rusagara yahakanye ibivugwa n’abatangabuhamya asaba ko bidakwiriye guhabwa agaciro. Bamushinja ko yavuze ko leta y’u Rwanda ikoresha igitugu kandi u Rwa..

Continue Reading »



© Radio Flash Fm 2014

Umuyobozi wa FERWAFA ku rutonde rw abasaba agahimbazamusyi kemerewe abakinnyi

Perezida w’Ishyirahamwe ry’umupira w’amaguru mu Rwanda (Ferwafa) niwe uyoboye urutonde rw’abasaba agahimbazamusyi abakinnyi bemerewe na Minisiteri y’Umuco na Siporo (MINISPOC).

Nzamwita Vincent De Gaulle na Rubega Patrick ushinzwe kwamamaza no kumenyekanisha ibikorwa bya Ferwafa bari ku isonga kuri urwo rutonde ikinyamakuru Izuba Rirashe gifitiye kopi.

MINISPOC yemereye agahimbazamusyi abakinnyi b’ikipe y’igihugu y’umupira w’amaguru, mu gihe baramuka batsinze Congo-Brazaville umukino wo kwishyura.

Amavubi yaje kubigeraho asezerera Congo-Brazaville ari na bwo abakinnyi baje kwaka ako gahimbazamusyi.

Ibaruwa FERWAFA yandikiye MINISPOC isabira abakinnyi agahimbazamusyi, ndetse n’urutonde rw’abakemerewe.

MINISPOC yeruriye De Gaulle na Rubega ko batemerewe agahimbazamusyi

Minisiteri y’Umuco na Siporo (MINISPOC) yeruriye abayobozi ba FERWAFA ko batemerewe agahimbazamusyi bisabiye.

Nk’uko bigaragara mu ibaruwa MINISPOC yandikiye FERWAFA, « agahimbazamusyi k’imikino ikipe yatsinze kagenerwa abakinnyi na staff technique [abayobozi b’ikipe] gusa. Abandi baherekeza ikipe bahabwa amafaranga y’urugendo (Frais de Mission) »

Mu gushaka kumenya impamvu abayobozi ba FERWAFA bishyize ku rutonde rw’abaka agahimbazamusyi kandi batakemerewe, twavuganye na Perezida w’iri shyirahamwe ry’umupira w’amaguru mu Rwanda, avuga ko atazi neza ko agaragara kuri urwo rutonde.

Nzamwita Vincent De Gaulle yavuze ariko ko atahamya neza ko atari kuri urwo rutonde, ariko ko aramutse aruriho haba harakozwe amakosa ku ruhande rw’Umunyamabanga Mukuru wa FERWAFA wanditse iyo baruwa isaba agahimbazamusyi.

Yabwiye Izuba Rirashe ati, "hari igihe habaho kwibeshya muri administration (mu buyobozi) kuko twe nk’abayobozi duhabwa frais de mission (amafaranga ya misiyo) ntabwo dufata prime (agahimbazamusyi) nk’abakinnyi cyangwa abagize staff technique (abayobozi b’ikipe”.

Nzamwita yakomeje avuga ko ataniyumvisha uburyo yaba yaragizwe nimero ya mbere ku rutonde rw’abasaba agahimbazamusyi kandi atanakemerewe, avuga ko n’iyo yaba akemerewe atari kugahabwa mbere y’abakinnyi.

Twagerageje guhamagara Umunyamabanga Mukuru wa FERWAFA, Olivier Murindahabi, wanditse iyo barwa yoherejwe muri MINISPOC, ntiyitaba telefoni.


Clement Uwiringiyimanaasda
Umuyobozi wa FERWAFA ku rutonde rw abasaba agahimbazamusyi kemerewe abakinnyi.jpg