August 16 2018

Ubufatanye bwa Liberia n’u Rwanda buzanoza uburyo bwo gusoresha

 

Gufatanya kw’ibihugu mu bijyanye n’imisoro ni ngombwa mu rwego rwo kubaka Afrika yifuzwa. Ibi ni ibyemezwa n’Intumwa zaturutse mu kigo cy’imisoro n’amahoro mu gihugu cya Liberia.
Ibi babitangaje kuri uyu wa kane tariki 24 Kanama 2017 ubwo ikigo cy’imisoro n’amahoro cy’u Rwanda (RRA) n’icya Liberia (LRA) byasinye amasezerano y’ubufatanye agamije gufashanya mu kunoza uburyo bwo gusora bunyuze abasoreshwa kandi bukanongera ingano y’imisoro n’amahoro yabyo.
Ibikorwa remezo,isuku y’umujyi wa Kigali ni bimwe mu bikubiye mu iterambere ry’u Rwanda rumaze kugeraho bikaba ari nabyo izi ntumwa zo mu kigo cy’imisoro n’amahoro mu gihugu cya Liberia zagarutseho ubwo hasinywaga amasezerano y’ubufatanye hagati y’ibihugu byombi.
Aya masezerano akubiyemo gukorana no guhanahana amakuru ku bikorwa by’ubucuruzi bukorerwa mu bihugu byombi ndetse no kurushaho kunoza imikorere binyuze mu bunararibonye bw’ibigo byombi no kwishakamo ibisubizo.
Komiseri Mukuru w’ikigo cy’imisoro n’amahoro mu Rwanda Tusabe Richard avuga ko ubu bufatanye buzafasha ibigo byombi kungurana ubumenyi,guhana amakuru ndetse no kunoza imikorere, cyane ko hari ibyo buri gihugu cyateyemo imbere bikwiriye guhuzwa, bikishakamo ibisubizo hagati yabyo.
Elfrieda Stewart Tamba,komiseri mukuru w’ikigo cy’imisoro n’amahoro muri Liberia,yavuze ko bagomba gukorana mu kungurana ubumenyi ndetse no gushyira hamwe kugira ngo hubakwe afurika yifuzwa. Ati “Twaje kugira ngo twigire ku bayobozi b’ikigo cy’imisoro n’amahoro mu Rwanda,ni ingenzi cyane gukorera hamwe kugira ngo twubake Afurika twifuza,ni n’ingenzi cyane ko buri wese yakwigira ku wundi.”
Biteganyijwe ko abakozi b’ibigo byombi bakomeza ibiganiro by’iminsi ibiri bashakira hamwe icyakorwa mu kurushaho kunoza uburyo bw’imisoreshereze bunogeye abasoreshwa.

Tusabe Richard na Elfrieda Stewart

COMMENTS

NO COMMENTS YET

LEAVE A COMMENT BELOW

OTHER NEWS

Mu bakandinda 80 PSD yashyikirije NEC nta Depite NKUSI Juvenal wagaragayemo

PSD nk’ishyaka ryiyemeje guhatanira intebe mu Nteko Ishinga Amategeko nta (...)

By | 9 July 2018 | 0 (comments)

Hagaragaye amazina mashya mu bakandida 70 bazahagararira RPF

Ibi Perezida Paul Kagame yabivuze ubwo RPF inkotanyi yemezaga abakandida 70 (...)

By | 9 July 2018 | 0 (comments)

Perezida wa Sena yagiranye ibiganiro n’Ambasaderi mushya wa Tanzaniya mu Rwanda

Ibi yabitangaje nyuma yo kugirana ibiganiro na ambasaderi mushya wa Tanzaniya mu (...)

By | 29 June 2018 | 0 (comments)

CNLG yashimye ubutabera bwa Suwedi bwakatiye Rukeratabaro

Rukeratabaro yageze muri Suwedi mu 1998 abona ubwenegihugu mu mwaka wa 2006 aho (...)

By | 29 June 2018 | 0 (comments)

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Follow us

Read our latest news on any of these social networks