April 28 2019

Abapolisikazi basabwe kwibuka n’inshingano za kibyeyi

Ministeri y’Ubuzima mu Rwanda iributsa abapolisikazi ko n’ubwo bakora akazi ko gucunga umutekano bagomba no kwibuka inshingano za kibyeyi kandi bakagira uruhare mu gukemura ibibazo by’ubuzima byugarije umuryango Nyarwanda birimo igwingira ry’abana n’abangavu baterwa inda z’imburagihe.

 

Ibi byagarutsweho na Minisitiri w’Ubuzima Dr Diane Gashumba ubwo yafunguraga ku mugaragaro ihuriro rya 10 cy’abapolisikazi.

Minisitri w’Ubuzima mu Rwanda Dr. Diane GASHUMBA yavuze ko n’ubwo apolisikazi bashinzwe kurinda umutekano bagomba no kwibuka inshingano za Kibyeyi bagatanga umusanzu wabo mugukemura ikibazo cy’igwingira ry’abana,ihohotera rishingiye kugitsina n’ibindi.

Ati “ Icyo dushaka gushimangira ni ukubibutsa ko hejuru yo kuba abapolisi ari abagore,tukabibutsa ko hari ikisumbuye bagomba kugaragaza haba mu gihugu haba n’igihe bagiye kubungabunga umutekano hanze y’ibimbi z’igihugu bagomba kugenda bazi imiterere y’ikibazo cy’imirire mibi uko abantu bakirinda,kugenda bazi ubuzima bw’imyororokere,bazi nabo uko bakwiye kwitwara mu buzima bwabo .”

Abapolisikazi bavuga ko nk’igitsina gore bahura n’imbogamizi zo guhuza akazi kabo no kwita kumiryango yabo, nk’uko byasobanuwe na CIP Dativa IRIBAGIZA.

Ati “ Nk’akandi kazi kose umupolisikazi ahura n’imbogamizi cyane cyane ko akazi ko kurinda umutekano gasaba ubwitange ,gukora amasaha menshi, imbogamizi tugira cyane ni uguhuza akazi dukora no kwita kumiryango yacu.”

Umuvugizi wa Polisi y’igihugu CP John Bosco KABERA, ivuga ko abapolisikazi bitanga mu kazi kabo kandi ko n’imbogamizi bahura nazo habaho kuziganiraho hagafatwa ingamba.

Ati“ Icyambere ni uko nka Polisi y’igihugu turabyumva ,tukumva izo nshingano zombi ku buryo kimwe kidashobora kubangamira ikindi, akaba ari nayo mpamvu muri iyi nama iyo hari ikigaragaye Polisi ifata ingamba.”

Imibare igaragaza 21% by’abari muri Polisi ari ari igitsina gore kandi ngo aho bari akazi kabo ko gucunga umutekano bagakora neza nka basazabo.

Usibye kubungabunga umutekano w’imbere mu gihugu, Imibare ya Polisi y’igihugu yerekana ko no mu butumwa bw’amahoro hirya no hino ku isi hariyo hoherezwayo abapolisikazi aho kuri ubu hariyo abagera 237.

COMMENTS

NO COMMENTS YET

LEAVE A COMMENT BELOW

OTHER NEWS

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Dr. Serge yitwararitse ku kibazo cya Melon

Ikibazo cy’Abanyarwanda bahamijwe ibyaha bya jenoside yakorewe abatutsi (...)

By | 28 June 2018 | 0 (comments)

Minisitiri w’Intebe yatanze ikizere ku rubyiruko ruhanga udushya

Urubyiruko ruhanga udushya n’imirimo ku mugabane wa Afurika rusanga Leta (...)

By | 7 June 2018 | 0 (comments)

MINIJUST yiteguye guha ubufasha Urwego rw’Ubugenzacyaha RIB

Ministre w’ubutabera mu Rwanda Johnston BUSINGYE asura ahakorera Urwego (...)

By | 7 June 2018 | 0 (comments)

PAC yabajije REG ku mishinga itatu minini yaburiyemo umurengera w’amafaranga

Imbere ya PAC abayobozi n’abakozi ba REG babazwaga ikibazo k’imikoreshereze mibi (...)

By | 5 June 2018 | 0 (comments)

Follow us

Read our latest news on any of these social networks