November 21 2019

Ubuzima ku mupaka nyuma yo kugirwa inama na Leta yo kudasubira muri Uganda

Kuri uyu wa gatatu abanyamakuru ba Flash bazindukiye ku mipaka ihana imbibi na Uganda kureba umwuka uhari nyuma y’aho u Rwanda rusabye abaturage kudakomeza kujya muri Uganda kubera ibikorwa by’ihohoterera rikorerwa Abanyarwanda bajyayo.

 

Mu majyaruguru y’u Rwanda mu karere ka Burera ku mupaka wa Cyanika, umunyamakuru wa flash yahageze ku isaha ya saa mbili za mu gitondo ahasanga hari amakamyo atatu mu gihe hari hamenyerewe kuba amakamyo menshi ndetse n’urujya n’uruza rw’imodoka zitwara abagenzi mu buryo bwa rusange rwari rwagabanutse.

Yagize ati “ Nahageze mu ma saa mbili(za mu gitondo). Muri macye ubundi hari hasanzwe hari amakamyo menshi cyane ariko nahageze mpasanga haparitse amakamyo atatu gusa nayo yahise agenda, amatagisi atwara abagenzi yo yabaga ari menshi cyane ariko hageraga imwe indi ikongera kuhagera hashize nk’iminota 30, ubona ko urujya n’uruza rwagabanutse ugereranyije mu buryo bwa busanzwe.”

Mu ntara y’Uburasirazuba ku mupaka wa Kagitumba mu karere ka Nyagatare umunyamakuru wa flash watembereye kuru uyu mupaka yatubwiye ko uyu mupaka ari nyabagendwa cyane cyane ku Bagande ariko kuruhande rw’u Rwanda ubuyobozi bukaba bwabasabye kugabanya ingendo bagirirayo.

Ati “ Kugeza ubu ku mupaka wa Kagitumba icyo nakubwira ni uko ku ruhande rumwe uri nyabagendwa cyane cyane ku Bagande cyangwa ku bantu baturuka hakurya mu Uganda. Ku baturage ba hano mu Rwanda ubuyobozi bukaba bwabasabye ko bakoroshya ingendo zo kujya hakurya bitewe n’uko bagerayo bagahohoterwa. Muri rusange rero abaturage twaganiriye bakaba bavuze ko bakiriye icyo cyemezo cyane ko ngo nabo bari baratangiye kugabanya ingendo zijyayo kuko bageragayo bagafungwa abandi bakaburirwa irengero.”

Guverinoma y’u Rwanda yasabye abaturage guhagarika kujya muri Uganda kubera impungenge z’umutekano wabo nyuma y’ubuhamya bw’abarenga 800 bamaze iminsi birukanwa ku butaka bw’icyo gihugu bagaragaza ihohoterwa n’iyicarubozo bakorewe.

COMMENTS

NO COMMENTS YET

LEAVE A COMMENT BELOW

OTHER NEWS

Abaforomo babiri barahagaritswe kubera serivisi mbi

Serivisi mbi ku bitaro bya Muhima ni intero yaharurutswe kubantu bahivuriza, (...)

By | 19 September 2017 | 0 (comments)

MINAGRI mu gushaka umuti ku kibazo cy’imbuto zigera ku bahinzi zitinze

Muri iki gihembwe cy’ihinga cya mbere 2018, byari biteganijwe ko imbuto y’ibigori (...)

By | 18 September 2017 | 0 (comments)

Kaminuza ya Kigali: Barasiba bakigira mu birori

Prof Nshuti Manasseh, umwe mu bashinze Kaminuza ya Kigali (University of Kigali) (...)

By | 18 September 2017 | 0 (comments)

"Ngiye kurwanya ruswa nahera mu bayobozi" Perezida Paul Kagame

Mu gutangiza umwaka w’ubucamanza, Umukuru w’Igihugu yagaragaje ko hatewe intambwe (...)

By

Abdullah IGIRANEZA

| 12 September 2017 | 0 (comments)

Mu bayobozi umunani bemejwe na Sena harimo na Bamporiki na Murekezi

Inteko rusange ya Sena yemeje abayobozi 8 basabiwe imyanya na Perezida wa (...)

By

Abdullah IGIRANEZA

| 8 September 2017 | 0 (comments)

Follow us

Read our latest news on any of these social networks