February 17 2019

KICUKIRO: Yatawe muri yombi nyuma yo gutemesha umuhoro mugenzi we

Umugabo bikekwa ko yari yasinze yatemye mugenzi we ikiganza, ashaka no kwivugana abandi bari aho abahora ubwoko bwabo.

 

Ahagana saa sita z’amanywa yo kuri uyu wa kane tariki ya 7 Gashyantare, umugabo wamenyekanye ku mazina ya Uwimana Leymond yatawe muri yombi na Polisi nyuma yo gutema ikiganza cya mugenzi we witwa Rafiki akoresheje umuhoro.

Byabereye mu Karere ka Kicukiro Umurenge wa Kanombe ho mu Kagali ka Kabeza.

Hari mu masaha ya mbere ya saa sita ahazwi nko mu giporoso ni mu Kagali ka Kabeza Rafiki avuye kwa muganga,arapfutse ku kiganza kandi imyenda ye iriho amaraso.Ni nyuma yo gutemwa n’umuhoro n’uwitwa Uwimana Leymond nawe usanzwe ukora uturimo two gucuruza duciriritse Rafiki aravuga uko byagenze.

Aragira ati“ Uriya mugabo yavuze ngo arantema ngo n’ubundi yabishakaga ndamubwira nti wapi,turarwana turaserera arangije nibwo yazanye imihoro .Yarafite imihoro ibiri aravuga ati ndakwica nkajya mukinga biranga.”

Mu bari aho bashungereye harimo n’abavuga ko nabo Leymond yashakaga kubatema kandi ko ari umugambi yari amaranye iminsi.Hari abamukeho kugira ingengabitekerezo ya Jenoside ndetse n’ubusinzi.

Umwe muri abo yagize ati ”nagiye kubona mbona afashe imipanga ibiri mbona arasohotse ngiye kumva numva umuntu aratatse. Uwatatse ni uwakoraga firigo impande y’umutekinisiye witwa Rafiki. Dusohotse tugiye kureba ibibaye Rafiki aba arirutse natwe aratwirukankana n’imihoro."

Undi nawe yavuze ko Uwimana amaze gutema intoki Rafiki nawe yahise amusatira ashaka ku mutema.

Ati”Agarutse arambwira ngo nanjye ndi umututsi ngo araje atwereke icyo adukorera.”

UWIMANA Leymond yahise yikingirana mu nzu asanzwe akoreramo, inzego z’umutekano zategereje ko asohoka ziraheba,zitegerezaho gato ari nako abashungera biyongera cyane.

Byacagamo abantu bakikanga ko agiye guca hejuru y’amabati. Nyuma y’akanya Uwimana Leymond yahise agaragara inyuma y’urugi yitotomba,Polisi yahise imwegera iramwinginga ngo yishyikirize inzego z’umutekano ariko arabyanga.

Polisi yahise itera ibyuka biryana mu maso mu nzu Leymond yarimo nabwo yanga gukingura,inzego z’umutekano zahise zimena urugi ku ngufu zimuta muri yombi.

Mukiza Shadrack uyobora akagali ka Kabeza Leymond yari atuyemo yabwiye itangazamakuru rya Flash ko n’ubundi yagaragaho imyitwarire idasanzwe.

Yagize ati“Usibye ko urupapuro ntarubonye bavuga ko ari umurwayi wo mu mutwe hashize igihe kirekire …yaramaze kugezwa Indera inshuro zirenga eshatu yakoroherwa bakamugarura.”

Mukiza akomeza avuga ko ubuyobozi bw’akagali bwari bwaramaze kumenyesha inzego z’umutekano ikibazo cya Leymond.

Hari Abaturage basanga inzego z’ubuyobozi n’izumutekano zagakwiye gukurikiranira hafi abantu bafite imyitwarire nk’iya Leymond mu gihe bigaragayeho ko iyi myitwarire ayimaranye iminsi.

COMMENTS

NO COMMENTS YET

LEAVE A COMMENT BELOW

OTHER NEWS

KICUKIRO: Yatawe muri yombi nyuma yo gutemesha umuhoro mugenzi we

Ahagana saa sita z’amanywa yo kuri uyu wa kane tariki ya 7 Gashyantare, umugabo (...)

By | 7 February 2019 | 0 (comments)

Urujijo ku mpamyabumenyi zihabwa abize uburezi muri Kaminuza y’u Rwanda

Aba banyeshuri babwiye Radiyo na Televiziyo Flash ko batumva impamvu (...)

By | 7 February 2019 | 0 (comments)

Rwanda: Imijyi yunganira Kigali yitezweho guhindura imibereho y’abaturage.

Ibi byatangajwe kuri uyu wagatatu na Minisitiri w’ibikorwa remezo mu Rwanda (...)

By | 6 February 2019 | 0 (comments)

Rwanda: Umwaka w’amashuri wa 2019 watangiye hari abanyeshuri bagisangira igitabo

Ubwo hitegurwaga itangira ry’igihembwe cya mbere cy’uyu mwaka w’amashuri, umuyobozi (...)

By | 6 February 2019 | 0 (comments)

Kigali: 2024 imihanda minini yose izaba irimo kaburimbo

Ibi byatangajwe n’umuyobozi w’Umujyi wa Kigali mu rugendo aherutse kugirira mu (...)

By | 6 February 2019 | 0 (comments)

Follow us

Read our latest news on any of these social networks