February 16 2019

Kigali: 2024 imihanda minini yose izaba irimo kaburimbo

Mu gihe hirya no hino mu mu mirenge itandukanye igize uturere tw’Umujyi wa Kigali hagaragara imihanda y’igitaka ndetse abaturage ntibahweme gusaba kaburimbo,Umujyi wa Kigali uratangaza ko ufite intego y’uko muri 2024 imihanda yose minini izaba irimo kaburimbo.

 

Ibi byatangajwe n’umuyobozi w’Umujyi wa Kigali mu rugendo aherutse kugirira mu Murenge wa Mageragere mu karere ka Nyarugenge. Ni nyuma y’aho abaturage bo muri uyu murenge bari bamusabye ko umuhanda wabo werekereza kuri gereza nkuru ya Nyarugenge yashyirwamo kaburimbo.

Abaturage bavuze ko kubera nta kaburimbo irimo usanga igiciro cy’urugendo ku modoka na moto kiri hejuru.

Uwitwa Twibanire Celestin utuye mu kagari ka Kankuba ,umudugudu wa Karukina yagize ati “Urujya n’uruza rw’imidoka na moto ruba ruke kubera ari umuhanda w’igitaka ariko babashije gushyiramo kaburimbo byegenda neza”.

Undi witwa Niyonkundiye Emeliyana ati “bashyizemo iyo kaburimbo natwe twarushaho kumera neza kuko ivumbi hano aba ari ikibazo ”.

Aba baturage bakomeza bavuga ko kubera ivumbi bakunze kwibasirwa n’indwara y’ibicurane.

Umuyobozi w’Umujyi wa Kigali Marie Chantal Rwakazina, yabwiye itangazamakuru rya Flash ko muri 2024 bihaye intego yo gushyira kaburimbo mu mihanda Minini yose yo muri Kigali kugirango byoroshye ubuhahirane.

Ati “ Imihanda ntabwo igomba kuba gusa mu mirenge y’Umujyi,imihanda igomba kuba mu mujyi wose. Aha nasobanuye ko atari n’imihanda igendamo imodoka gusa ariko ni imihanda ituma n’umusaruro wabo ugera ku bawugura mu buryo bworoshye. Gahunda y’imihanda mu mujyi wa Kigali ni gahunda dufite iri gukorwa ubu ,igenamigambi dufite y’ibikorwa tuyifite 2024. Iyi mihanda yose dufite yaba iyo mu mu cyaro n’iyo mu mujyi yose iri muri iyo gahunda."

Muri gahunda y’igihugu yo kwihutisha iterambere, hateganyijwe kubaka imihanda mishya ya kaburimbo iri ku burebure bwa kilometero 394.

Hanateganyijwe umuhanda mugari uzengurutse Umujyi wa Kigali wa kilometero 80.

COMMENTS

NO COMMENTS YET

LEAVE A COMMENT BELOW

OTHER NEWS

KICUKIRO: Yatawe muri yombi nyuma yo gutemesha umuhoro mugenzi we

Ahagana saa sita z’amanywa yo kuri uyu wa kane tariki ya 7 Gashyantare, umugabo (...)

By | 7 February 2019 | 0 (comments)

Urujijo ku mpamyabumenyi zihabwa abize uburezi muri Kaminuza y’u Rwanda

Aba banyeshuri babwiye Radiyo na Televiziyo Flash ko batumva impamvu (...)

By | 7 February 2019 | 0 (comments)

Rwanda: Imijyi yunganira Kigali yitezweho guhindura imibereho y’abaturage.

Ibi byatangajwe kuri uyu wagatatu na Minisitiri w’ibikorwa remezo mu Rwanda (...)

By | 6 February 2019 | 0 (comments)

Rwanda: Umwaka w’amashuri wa 2019 watangiye hari abanyeshuri bagisangira igitabo

Ubwo hitegurwaga itangira ry’igihembwe cya mbere cy’uyu mwaka w’amashuri, umuyobozi (...)

By | 6 February 2019 | 0 (comments)

Kigali: 2024 imihanda minini yose izaba irimo kaburimbo

Ibi byatangajwe n’umuyobozi w’Umujyi wa Kigali mu rugendo aherutse kugirira mu (...)

By | 6 February 2019 | 0 (comments)

Follow us

Read our latest news on any of these social networks