March 1 2019

Kunga abantu si uguta umwanya, biha ubutabera umwanya wo guhangana n’ibindi byaha bikomeye-Perezida Kagame

Perezida Kagame yavuze ko iyo ibibazo biganiwe, hakifashwa kunga bituma uwatsinze n’uwatsinzwe bongera kubana neza bikanaha umwanya ubutabera wo gukurikirana ibindi byaha bikomeye.

 

Umukuru w’igihugu yabitangaje atangiza umwaka w’ubucamanza wa 2018/2019 kuri uyu wa 19 Ukwakira 2018.

Ni umuhango wabereye mu ngoro y’Inteko Ishinga Amategeko y’u Rwanda ku Kimihurura.

Mu ijambo riha ikaze umukuru w’igihugu, Perezida w’Urukiko rw’ikirenga Prof Sam Rugege yavuze ko urwego rw’abunzi rwagize uruhare rugaragara mu iterambere ry’ubucamanza.

Prof Sam Rugege yashimye inzego zifasha mu iterambere ry’urwego rw’ubucamanza anashimira umukuru w’igihugu, ati”Turashimira abafatanyabikorwa dukorana, ababa mu nzego z’ubutabera, izindi nzego za leta n’izitayishamikiye, …Turabashimira Nyakubahwa Perezida wa Repubulika, mudufasha muri byinshi bigatuma urwego rw’ubucamanza rugera ku ntego zarwo”.

Mu birego 13,919 byagejejwe ku Bunzi, ibigera kuri 11,861 (85%) byakemutse bitagombye kugezwa mu nkiko.

Ku mukuru w’igihugu, kunga abantu si uguta umwanya, kandi ntibisaba amikoro menshi.

Ati”Iyo ibibazo biganiriweho, ba bandi bakumvikana birarangira bakabana kandi ni ko bikwiye kuba bimeze. Kunga rero abantu ntabwo ari uguta umwanya kandi icyiza cyabyo ntibisaba amikoro menshi, biha inzego z’ubutabera igihe gihagije cyo guhangana n’ibindi byaha bidasaba kumvikanisha abantu”.

Perezida Kagame yavuze ko hari ibyaha bidasaba kumvikanisha abantu, atanga urugero rw’ihohotera rishingiye ku gitsina.

“Hari ibyaha bimwe abantu bumvikana, hari n’ibindi bitanyura muri iyo nzira. Ntabwo wumvikanisha uwafashe n’uwafashwe ku ngufu, aho nta kumvikanisha biba bigihari, abantu ahubwo bumvikana mbere naho nyuma nta kumvikana kuba kugihari. Icyo ni icyaha, urahana bikarangira, ntimunyumve nabi,…”

Kuva mu 2016 kugeza ubu abantu abantu 9,344 bahamwe n’icyaha cyo gukoresha cyangwa gucuruza ibiyobyabwenge abarenga 72% muri aba bari munsi y’imyaka myaka 40.

Abarenga 2,700 muri iyi myaka n’ubundi bahamijwe icyaha cyo gusambanya abana.
Uyu mwaka w’ubucamanza utangiranye imanza zirenga 24, 700 zitegereje gucibwa n’inkiko.

Ibipimo by’ikigo cy’igihugu cy’imiyoborere RGB biherutse byerekana ko abanyarwanda bishimiye imikirize y’imanza ku gipimo cya 85.8%.

Uyu mwaka w'ubucamanza utangiranye imanza zirenga 24, 700 zitegereje gucibwa n'inkiko
Imanza zakiriwe mu nkiko zariyongeye
Abarenga 2,700 bahamijwe icyaha cyo gusambanya abana
Umwaka w'Ubucamanza 2018/2019 watangirijwe mu ngoro y'Inteko
Kuva mu 2016 kugeza ubu abantu abantu 9,344 bahamwe n'icyaha cyo gukoresha cyangwa gucuruza ibiyobyabwenge

COMMENTS

NO COMMENTS YET

LEAVE A COMMENT BELOW

OTHER NEWS

Ngororero: Umubare w’abana bata ishuri uteye inkeke

Ni mu karere ka Ngororero mu murenge wa Ngororero hafi ya stade y’umupira (...)

By | 25 February 2019 | 0 (comments)

Abakunzi n’abenzi b’amarwa bararira ayo kwarika

Ikigage cyangwa amarwa ni kimwe mu binyobwa bifatwa nk’ibya gakondo kandi (...)

By | 22 February 2019 | 0 (comments)

2018:Abatsinze Ibizamini bya Leta bisoza ay’isumbuye baragabanutse

Minisiteri y’Uburezi ivuga iri gabanuka ryatewe n’uburyo bw’imibarize bwashingiye (...)

By | 22 February 2019 | 0 (comments)

KICUKIRO: Yatawe muri yombi nyuma yo gutemesha umuhoro mugenzi we

Ahagana saa sita z’amanywa yo kuri uyu wa kane tariki ya 7 Gashyantare, umugabo (...)

By | 7 February 2019 | 0 (comments)

Urujijo ku mpamyabumenyi zihabwa abize uburezi muri Kaminuza y’u Rwanda

Aba banyeshuri babwiye Radiyo na Televiziyo Flash ko batumva impamvu (...)

By | 7 February 2019 | 0 (comments)

Follow us

Read our latest news on any of these social networks