February 18 2019

Hagaragaye amazina mashya mu bakandida 70 bazahagararira RPF

Perezida w’u Rwanda Paul Kagame akaba na Chairman w’Umuryango wa RPF Inkotanyi yasabye abakandida bazahagararira RPF mu matora y’abadepite guhindura imikorere barushaho guharanira inyungu z’abaturage bazaba babereye intumwa.

 

Ibi Perezida Paul Kagame yabivuze ubwo RPF inkotanyi yemezaga abakandida 70 bazayihagararira mu matora y’abadepite ateganyijwe mu kwezi kwa cyenda uyu mwaka.

Francois Ngarambe Umunyamabanga wa RPF inkotanyi niwe wasomye urutonde rurerure rw’abakandida 70 bemejwe guhagararira RPF mu matora y’abadepite. Kuri uru rutonde, haragaragaraho amazina mashya menshi n’asanzwe mu nteko.

Nyuma yo kugaragaza ibyagezweho bigizwemo uruhare n’abadepite mu gihe cya manda y’imyaka itanu ishize ,hanagaragajwe ibyo RPF itumbiriye kugeraho kuva muri iyi manda 2018-2023, muri manda ikurikiyeho. Ni intego muri rusange zishingiye ku kuzamura ubukungu bw’igihugu,umutekano ,ubusugire n’imibereho myiza by’Abanyarwanda.

Ku gira ngo ibi bigerweho,Perezida Paul Kagame ari nawe chair man wa RPF yasabye aba bitezwemo intumwa za rubanda,guhindura imikorere bagamije kurushaho kunoza gahunda zizamura abaturage.

Perezida Kagame kandi yabasabye kuzagira ubufatanye n’izindi ntumwa za rubanda zizaturuka mu yindi mitwe ya politiki nta wuharanira inyungu ze bwite.

Abakandida 70 ba RPF bazahanganira kwicara mu nteko ishinga amategeko y’u Rwanda n’abandi bataramenyekana umubare bazaturuka mu yindi mitwe ya politiki n’abakandida bigenga.

Tariki ya 2 z’ukwa 9 nibwo Abanyarwanda baba mu mahanga bazatora mu gihe ababa mu Rwanda kuya 3 Nzeri aribwo bazacyera amatora y’abadepite.

REBA MU MASHUSHO:

COMMENTS

NO COMMENTS YET

LEAVE A COMMENT BELOW

OTHER NEWS

KICUKIRO: Yatawe muri yombi nyuma yo gutemesha umuhoro mugenzi we

Ahagana saa sita z’amanywa yo kuri uyu wa kane tariki ya 7 Gashyantare, umugabo (...)

By | 7 February 2019 | 0 (comments)

Urujijo ku mpamyabumenyi zihabwa abize uburezi muri Kaminuza y’u Rwanda

Aba banyeshuri babwiye Radiyo na Televiziyo Flash ko batumva impamvu (...)

By | 7 February 2019 | 0 (comments)

Rwanda: Imijyi yunganira Kigali yitezweho guhindura imibereho y’abaturage.

Ibi byatangajwe kuri uyu wagatatu na Minisitiri w’ibikorwa remezo mu Rwanda (...)

By | 6 February 2019 | 0 (comments)

Rwanda: Umwaka w’amashuri wa 2019 watangiye hari abanyeshuri bagisangira igitabo

Ubwo hitegurwaga itangira ry’igihembwe cya mbere cy’uyu mwaka w’amashuri, umuyobozi (...)

By | 6 February 2019 | 0 (comments)

Kigali: 2024 imihanda minini yose izaba irimo kaburimbo

Ibi byatangajwe n’umuyobozi w’Umujyi wa Kigali mu rugendo aherutse kugirira mu (...)

By | 6 February 2019 | 0 (comments)

Follow us

Read our latest news on any of these social networks