April 16 2019

Perezida Kagame yahuye na bamwe mu bayobozi b’Umuryango w’Ubumwe bw’Uburayi mbere y’Inama Rusange

Perezida wa Repubulika y’u Rwanda paul Kagame yageze mu Bubiligi kuri uyu wa mbere aho yitabiriye inaaama ya 12 yiga ku iterambere ry’Umugabane w’Uburayi.

 

Yahuye na bamwe mu bayobozi mu Muryango w’Ubumwe bw’Uburayi. Mu bo Perezida w’u Rwanda yahise ahura nabo ku ikubitiro harimo Jean Claude Juncker, President w’Umuryango w’ubumwe bw’uburayi. Yahuye kandi n’abandi bayobozi b’uwo muryango.

Perezida Kagame yagiranye ibiganiro n’uyu mugabo mbere y’uko kuri uyu wa kabiri ari bwitabire inama rusange y’umuryango w’ubumwe bw’u Burayi igiye kuba ku nshuro ya 12.

Ni inama igamije kwigira hamwe imishinga igamije amajyambere muri uyu muryango itangira kuri uyu kabiri ikarangira kuwa 3, biteganijwe ko umukuru w’igihugu cy’u Rwanda agomba gutanga ikiganiro muri iyi nama ihuriza hamwe Abakuru b’Ibihugu bitandukanye biganjemo abo ku mugabane w’u Burayi.

Uretse kuba Perezida Kagame yaganiriye na Donald Tusk binateganyijwe ko Perezida Kagame azagirana ibiganiro byihariye n’umwami Philippe w’Ububiligi, ndetse na Minisitiri w’intebe w’iki gihugu bwana Charles Michel.

Perezidance y’u Rwanda yasohoye itangazo rivuga ko umukuru w’igihugu azitabira iyi nama ya 12 Ngarukamwaka Nyaburayi yiga ku Iterambere izabera mu Bubiligi guhera ejo ikazasozwa kuwa gatatu.

Iri tangazo rivuga ko Perezida KAGAME azitabira iyi nama yitwa “European Development Days”, uyu mwaka izibanda ku kamaro k’abari n’abategarugori mu kugera ku ntego z’iterambere rirambye, cyane cyane bahabwa amahirwe angana n’ay’abandi mu nzego zifata ibyemezo.

Ku Rwanda, iyi nama ni umwanya mwiza wo kuganira ku mubano n’ibindi bihugu, ku birebana n’akarere ruherereyemo ndetse n’isi muri rusange.

COMMENTS

NO COMMENTS YET

LEAVE A COMMENT BELOW

OTHER NEWS

FDU INKINGI: Ubushinjacyaha bwerekanye uburemere bw’ ibyaha bashinjwa

Aba bayoboke ba FDU bongeye kugaragariza urukiko ko bafashe binyuranije (...)

By | 17 October 2017 | 0 (comments)

Remera: Yishe umugore we aramushyingura

Uwo mugabo ukekwaho icyo cyaha yabyemereye itangazamakuru avuga ko avuga ko (...)

By | 17 October 2017 | 0 (comments)

Inzara yugarije rubanda ariko ntibiri kuvugwa: World Food Day

Kuri uyu wa 16 Ukwakira, u Rwanda rwifatanyije n’ibindi bihugu mu Munsi (...)

By | 17 October 2017 | 0 (comments)

Ikoranabuhanga ryahombeje IPOSITA

Abandikiranaga amabaruwa bavuga ko n’ubwo yatindaga, yabashimishaga N’ubwo iyo (...)

By | 16 October 2017 | 0 (comments)

Imirire mibi ahanini iterwa n’imyumvire: Dr. Diane Gashumba

Dr Diane Gashumba yabitangarije mu Karere ka Nyaruguru ahasorejwe ku rwego (...)

By | 16 October 2017 | 0 (comments)

Follow us

Read our latest news on any of these social networks