August 14 2018

Perezida Kagame yavuze ko hari imishinga yadindiye ijyanye no kwihuza

Perezida Paul Kagame yavuze ko ukwihuza kw’ibihugu bitagomba gusigana no gufashanya mu iterambere ry’ikoranabuhanga. Umukuru w’igihugu yabitangaje ubwo yatangizaga inama ya Transform Afurika yatangiriye i Kigali kuri uyu wa mbere.

 

Ni inama igamije gushyiraho ingamba zihamye mu kwihutisha ikoranabuhanga mu iterambere ry’umugabane w’Afurika.

Impuguke zigaragaza ko umugabane w’Afurika ugaragaramo amahirwe mu ishoramari rishingiye ku ikoranabuhanga.

Umuyobozi wa Smart Afrika yavuze ko ishoramari mu bigo bito n’ibiciriritse ku mugabane w’Afrika mu myaka itanu iri imbere ribarwa muri Miliyari 300 z’amadorari y’amerika.

Dr. Hamadoun Toure avuga ko imipaka mu bihugu byo ku mugabane w’Afurika itakiri ikibazo.

Yagize ati " Iinshingano ya mbere y’umuyobozi ni ugutekerereza neza abaturage be, inzozi z’abayobozi iyo zisangiwe zihinduka icyerekezo. Ndishimira ko inshingano yanjye yari ugushyira mu bikorwa ibiteganywa mu cyerekezo. Isoko rusange mu by’ikoranabuhanga,Imipaka yacu ntikiri ikibazo,icyuho cyari muri politki z’ibihugu cyakuweho."

Atangiza iyi nama, Perezida wa repubulika Paul Kagame yavuze ko hari imishinga yadindiye ku mugabane w’afrika ijyanye no kwihuza.

Ati "Ubufatanye bw’ibihugu mu by’ikoranabuhanga bwatanze umusaruro mwiza no ku mugabane mu myaka mike ishize. Hagati aho ariko indi mishanga y’ingenzi y’uko kwihuza yagenze biguru ntege, ku mugabane mu myaka ishize, dushobora gushaka uburyo bwokuyihutisha."

Ni inama y’iminsi itatu yitabiriwe n’abahagarariye ibigo by’ikoranabuhanga, abashoramari muri uru rwego, n’inzego za leta.

COMMENTS

NO COMMENTS YET

LEAVE A COMMENT BELOW

OTHER NEWS

Mu bakandinda 80 PSD yashyikirije NEC nta Depite NKUSI Juvenal wagaragayemo

PSD nk’ishyaka ryiyemeje guhatanira intebe mu Nteko Ishinga Amategeko nta (...)

By | 9 July 2018 | 0 (comments)

Hagaragaye amazina mashya mu bakandida 70 bazahagararira RPF

Ibi Perezida Paul Kagame yabivuze ubwo RPF inkotanyi yemezaga abakandida 70 (...)

By | 9 July 2018 | 0 (comments)

Perezida wa Sena yagiranye ibiganiro n’Ambasaderi mushya wa Tanzaniya mu Rwanda

Ibi yabitangaje nyuma yo kugirana ibiganiro na ambasaderi mushya wa Tanzaniya mu (...)

By | 29 June 2018 | 0 (comments)

CNLG yashimye ubutabera bwa Suwedi bwakatiye Rukeratabaro

Rukeratabaro yageze muri Suwedi mu 1998 abona ubwenegihugu mu mwaka wa 2006 aho (...)

By | 29 June 2018 | 0 (comments)

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Follow us

Read our latest news on any of these social networks