August 16 2018

Ni Mo Ibrahimu Foundation yatumiye Katumbi si u Rwanda- Nduhungirehe

U Rwanda ruravuga ko nta kibazo rubona mu kuba rwarakiriye Moise Katumbi utavuga rumwe n’ubutegetsi muri Kongo Kinshasa. Olivier Nduhungirehe yavuzeko Moise Katumbi ataje kubutumire bw’igihugu.

 

Umunyapolitiki Moise Katumbi utavuga rumwe n’ubutegetsi buriho muri Kongo kinshasa aherutse kwitabira inama izwi nka Mo Ibrahim Governance Weekend yabereye i Kigali mu Rwanda.

Bwana Katumbi ubucamanza bwa Kinshasa bwamukatiwe igifungo cy’imyaka 3 n’amande ya Miliyoni 6 z’ama Dolari y’amerika ahamijwe ibyaha byo gukoresha abacancuro aba mu buhungiro ku mugabane w’Uburayi.

Mu kiganiro kihariye na Radio Flash FM na TV Umunyamabanga wa Leta muri Ministeri y’Ububanyi n’Amahanga mu Rwanda Olivier Nduhungirehe yavuze ko kuba yarageze mu Rwanda ntacyo bizahungabanya ku mibanire y’ibihugu kuko atatumiwe n’ u Rwanda.

Yagize ati " Ntabwo ari nk’aho u Rwanda rwamutumiye kubera rumubonamo inyungu runaka; Mo Ibrahim foundation niyo yakoze gahunda, ikora na lisite y’abatumirwa. Nibo rero batumiye Katumbi, u Rwanda nta ruhare na rumwe tubifitemo."

Minisitiri Nduhungirehe kandi yagaragaje ko u Rwanda rurajwe ishinga no kubana neza n’ibihugu bituranyi kuko aribyo bizatuma rugera ku iterambere rwifuza. Gusa yumvikanisha ko hari ibikigoye kuri ubu.

Ati" Nk’uko nabivuze ibibazo muri bimwe mu bihugu duturanye n’ibibazo bijyanye n’amahoro n’umutekano; Hari igihe usanga hari abakoze jenoside yakorewe abatutsi mu Rwanda cyangwa se indi mitwe ishaka guhungabanya umutekano mu Rwanda yidedembya muri ibyo bihugu, aho niho hari ikibazo. Twebwe icyo twifuza ni ukubana neza n’ibihugu duturanye."

Umuryango w’ibihugu bya Afurika y’Iburasirazuba kuri ubu biri muri gahunda zo gushyiraho imishinga y’ibikorwa remezo by’iterambere irimo n’imihada ya gari ya moshi gusa amakimbirane no kutumvikana kwa hato na hato hari aho bigaragara nk’intambamyi ishobora gutuma bidindira cyangwa se ntibigerweho.

COMMENTS

NO COMMENTS YET

LEAVE A COMMENT BELOW

OTHER NEWS

Mu bakandinda 80 PSD yashyikirije NEC nta Depite NKUSI Juvenal wagaragayemo

PSD nk’ishyaka ryiyemeje guhatanira intebe mu Nteko Ishinga Amategeko nta (...)

By | 9 July 2018 | 0 (comments)

Hagaragaye amazina mashya mu bakandida 70 bazahagararira RPF

Ibi Perezida Paul Kagame yabivuze ubwo RPF inkotanyi yemezaga abakandida 70 (...)

By | 9 July 2018 | 0 (comments)

Perezida wa Sena yagiranye ibiganiro n’Ambasaderi mushya wa Tanzaniya mu Rwanda

Ibi yabitangaje nyuma yo kugirana ibiganiro na ambasaderi mushya wa Tanzaniya mu (...)

By | 29 June 2018 | 0 (comments)

CNLG yashimye ubutabera bwa Suwedi bwakatiye Rukeratabaro

Rukeratabaro yageze muri Suwedi mu 1998 abona ubwenegihugu mu mwaka wa 2006 aho (...)

By | 29 June 2018 | 0 (comments)

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Follow us

Read our latest news on any of these social networks