August 14 2018

Grenade yasanzwe mu rugo rw’uwacitse ku icumu

Mu rugo rw’umwe mu bacitse ku icumu rya jenoside yakorewe abatutsi mu karere ka Ruhango hasanzwe igisasu cyo mu bwoko bwa Grenade. Abo muri uyu muryango baravuga ko ari iterabwoba bashyirwaho kuko ngo atari n’ubwa mbere gusa ubuyobozi bw’umurenge wa Ntongwe bwo bukavuga ko bitahuzwa no kuba baracitse ku icumu.

 

Amakuru ya Grenade yagaragaye mu marembo y’urugo rwa MUHIGIRWA Welars yamenyekanye mu masaha y’igitondo; ibonywe n’umuturanyi w’uru rugo.

Abatangabuhamya batubwiye ko iki gisasu cyari kirambitse munsi y’urugi rwo ku marembo. Nyir’urugo akibimenyeshwa yahise atabaza inzego z’ibanze n’iz’umutekano z’aho atuye.

Abo muri uyu muryango twaganiriye kuri Telephone batubwiye ko atari ubwa mbere bakorewe ibikorwa bo bita iterabwoba kuko ngo n’umwaka ushize kuri uru rugo hasanzwe umusaraba.

Mushiki wa Nyir’urugo yagize ati "Ibi bintu nabihuje n’ibimaze iminsi bibaye, hari n’ubwo yabyutse asanga kwirembo rye bahashyize umusaraba."

Umunyamabanga nshingwabikorwa w’umurenge w’umurenge wa Ntongwe Nemeyimana Jean Bosco we ntiyemera ko iby’iyi Grenade byahuzwa no kuba ari urw’uwacitse ku icumu ndetse ngo ntaho binahurira n’umusaraba washyizwe kuri uru rugo n’ubundi umwaka ushize.

Yagize ati" iby’umusaraba ntahantu bihuriye n’ibingibi; ni umuntu batonganye amubuza gutema ishyamba rya leta, hanyuma biramenyekana ko ariwe(uwo batonganye)" akomeza agira ati "Ukekwa nawe n’uwacitse ku icumu wabayeho umusirakare, bakeka ko ariwe ushobora kuba wazanye icyo gikoresho."

Ubuyobozi bw’uyu murenge wa Ntongwe kandi bwahise busaba abawutuye kurushaho kwirinda icyo ari cyose cyateza ihungana. Ndetse ngo bakanongera imbaraga mu buryo basanzwe bicungira umutekano.

COMMENTS

NO COMMENTS YET

LEAVE A COMMENT BELOW

OTHER NEWS

Mu bakandinda 80 PSD yashyikirije NEC nta Depite NKUSI Juvenal wagaragayemo

PSD nk’ishyaka ryiyemeje guhatanira intebe mu Nteko Ishinga Amategeko nta (...)

By | 9 July 2018 | 0 (comments)

Hagaragaye amazina mashya mu bakandida 70 bazahagararira RPF

Ibi Perezida Paul Kagame yabivuze ubwo RPF inkotanyi yemezaga abakandida 70 (...)

By | 9 July 2018 | 0 (comments)

Perezida wa Sena yagiranye ibiganiro n’Ambasaderi mushya wa Tanzaniya mu Rwanda

Ibi yabitangaje nyuma yo kugirana ibiganiro na ambasaderi mushya wa Tanzaniya mu (...)

By | 29 June 2018 | 0 (comments)

CNLG yashimye ubutabera bwa Suwedi bwakatiye Rukeratabaro

Rukeratabaro yageze muri Suwedi mu 1998 abona ubwenegihugu mu mwaka wa 2006 aho (...)

By | 29 June 2018 | 0 (comments)

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Follow us

Read our latest news on any of these social networks