July 31 2018

Perezida Kagame yasabye abayobozi gutekerereza abaturage

Perezida Kagame amaze gutangiza umwiherero w’abayobozi b’inzego z’ibanze uzamara iminsi itatu urebera hamwe uburyo bwo kunoza imiyoborere uhereye hasi byose bigamije inyungu z’abaturage.

 

Uyu mwiherero w’abayobozi b’inzego z’ibanze uri muri gahunda yiswe ‘Umuturage ku isonga’, watangirijwe kuri Petit Stade i Remera .

Urahuriza hamwe abayobozi barenga 1300 barimo abanyamabanga Nshingwabikorwa b’Imirenge, abajyanama b’uturere n’Umujyi wa Kigali; Abanyamabanga Nshingwabikorwa b’uturere ndetse n’abakuriye inzego zitandukanye mu turere.

Umukuru w’igihugu amaze gusaba aba baybozi gushaka ibisubizo by’ibibazo nubwo byaba bigoye.

Yagize ati “ abayobozi tugomba gutekereza ko dukorera abaturage bacu, ntabwo abayobozi baberaho kwireba.” Akomeza agira ati “ u Rwanda (rudakora ku Nyanja) nirushaka gutekereza cyanga rugakora nk’abari ku Nyanja nini, u Rwanda rwaba rufite ikibazo, rwaba rutekereza nabi, rwaba rukora nabi.”

Perezida Kagame yasabye aba bayobozi gutekereza uruhare rwabo mu gukemura ibibazo.

Ati “ Buri wese agomba gutekereza uruhare rwe kandi agomba kumva ko arufite, ntago ari ukuvuga ngo hari abashinzwe gutekereza gutyo n’abandi badatekereza gutyo cyangwa batanatekereza kandi witwa ngo uri umuyobozi; ariko niyo waba utari umuyobozi, ni umuntu usanzwe, babandi dukemurira ibibazo, nabo bagomba gutekereza batyo.”

Uyu mwiherero witezwemo kandi ba Guverineri bose b’Intara n’Abanyamabanga Nshingwabikorwa hamwe n’abayobozi bo muri Minisiteri y’Ubutegetsi bw’Igihugu.

Nyuma yo gutangizwa na Perezida Kagame, aba bayobozi bazamara iminsi itatu muri FAWE Girls School ku Gisozi baganira ku ngingo zitandukanye.

COMMENTS

NO COMMENTS YET

LEAVE A COMMENT BELOW

OTHER NEWS

Mu bakandinda 80 PSD yashyikirije NEC nta Depite NKUSI Juvenal wagaragayemo

PSD nk’ishyaka ryiyemeje guhatanira intebe mu Nteko Ishinga Amategeko nta (...)

By | 9 July 2018 | 0 (comments)

Hagaragaye amazina mashya mu bakandida 70 bazahagararira RPF

Ibi Perezida Paul Kagame yabivuze ubwo RPF inkotanyi yemezaga abakandida 70 (...)

By | 9 July 2018 | 0 (comments)

Perezida wa Sena yagiranye ibiganiro n’Ambasaderi mushya wa Tanzaniya mu Rwanda

Ibi yabitangaje nyuma yo kugirana ibiganiro na ambasaderi mushya wa Tanzaniya mu (...)

By | 29 June 2018 | 0 (comments)

CNLG yashimye ubutabera bwa Suwedi bwakatiye Rukeratabaro

Rukeratabaro yageze muri Suwedi mu 1998 abona ubwenegihugu mu mwaka wa 2006 aho (...)

By | 29 June 2018 | 0 (comments)

Urwego rw’Igihugu rw’Imfungwa n’Abagororwa rwatanze amafaranga mu Kigega Agaciro Development Fund

Nyuma y’imyaka 5 Leta y’u Rwanda itangije ikigega Agaciro Development Fund (...)

By | 28 June 2018 | 0 (comments)

Follow us

Read our latest news on any of these social networks