June 24 2018

Ubucyene bwariyongereye cyane mu Burundi-ONU

Mu cyegeranyo cyashyizwe ahagaragara n’akanama k’Umuryango w’Abibumye ONU kivuga ko kuva mu mwaka ushize wa 2017 mu Burundi igipimo cy’ubukene cyazamutse ku kigereranyo cya 18% bingana na kimwe cya gatatu cy’abanyagihugu bose babarirwa muri miliyoni cumi n’imwe.

 

ONU ivuga ko ubu bwiyongere ahanini bwatewe n’ubukungu bw’iki gihugu busanzwe butifashe neza, ihindagurika ry’ibihe ndetse n’ibibazo bya politike iki gihugu gisanzwe kirimo.

Garry Conille umukozi wa ONU mu ishami rishinzwe gutanga imfashanyo ku batishoboye avuga ko abakeneye imfashanyo mu Burundi bavuye kuri miliyoni eshatu bafashwaga umwaka ushize bakagera kuri Miliyoni eshatu n’ibihumbi Magana atandatu muri uyu mwaka wa 2018.

Yagize ati : "Imibare yariyongereye hafi 20 kw’ijana ugereranije no mu mwaka ushize. Ahanini byaturutse ku bukungu butifashe neza muri iki gihugu, hamwe n’impanuka ziterwa n’ihindagurika ry’ibihe bigatera ibiza mu baturage.”

Avuga ko kandi iyi mibare igaragaza ko Abana n’abagore aribo bakomeje kwibasirwa cyane n’ibi bibazo, kuko ngo abana bari munsi y’imyaka itanu bakomeje kugaragarwaho n’ikibazo cy’imirire mibi.

Iki cyegeranyo cyerekana ko Intara nka Kirundo, Muyinga, Cankuzo, Ruyigi, Makamba, Bubanza, Cibitoke na Kayanza arizo zibasiwe kurusha izindi, mu gihe Gitega, Mwaro, Bururi , Ngozi na Muramvya arizo zikeneye ubufasha bwihuse mu kurokora ubuzima bw’abantu.

Iki cyegeranyo kandi kigaragaza ko ibibazo byagwiriye iki gihugu byaturutse ku mvura idasanzwe yaguye muri iki gihugu kuva mu mwaka wa 2015 igatuma abasaga ibihumbi 118 bava mu byabo.

Miliyoni 141 z’amadolari ya Amerika niyo azatangwa mu gufasha abagera kuri Miliyoni ebyiri n’ibimbi magana ane, mu gihe abakeneye ubufasha basaga Miliyoni eshatu n’ibihumbi Magana atandatu.

COMMENTS

NO COMMENTS YET

LEAVE A COMMENT BELOW

OTHER NEWS

NKURUNZIZA yasinye ku Itegekonshinga rishya

Ibi birori byitabiriwe na bamwe mu bahagarariye ibihugu byabo mu Burundi. (...)

By | 7 June 2018 | 0 (comments)

Inama y’Abategetsi babiri bakomeye ku isi izabera ku kirwa cya Sentosa

Mu byumweru bibiri bishize, iyi nama izaba kuwa kabiri w’icyumweru gitaha taliki (...)

By | 7 June 2018 | 0 (comments)

Abatsindiye ’Permit De Conduire’ bamaze amezi 2 batarazihabwa

Nyuma yo gukorera no gutsindira uruhushya rwo gutwara ibinyabiziga ruzwi na (...)

By | 5 June 2018 | 0 (comments)

Christine NKOMEZA ushinjwa na Leta y’Uburundi kuba intasi y’u Rwanda yatawe muri yombi

Christine NKOMEZA yafashwe nyuma y’aho igihe yari yahawe ngo abe yavuye ku (...)

By | 1 May 2018 | 0 (comments)

Abatavuga rumwe n’ubutegetsi bwa Petero Nkurunziza bakomeje gutabwa muri yombi

Abarimu Icumi bo muri komine Bwambarangwe intara ya Kirundo ihana imbibe n’u (...)

By | 26 April 2018 | 0 (comments)

Follow us

Read our latest news on any of these social networks