February 5 2018

Ibimenyetso bigaragaza ko amatora y’Umukuru w’Igihugu azagenda neza mu mboni za Senateri Chrysologue

 

Senateri Prof Karangwa Chrysologue wayoboye Komisiyo y’Amatora mu aheruka y’Umukuru w’Igihugu, agaragaza ko hari ibimenyetso bikomeye byerekana ko amatora u Rwanda rwerekejemo azagenda neza bidasubirwaho.

Mu mpera z’icyumweru gishize mu kiganiro ku Isesenguramakuru kuri Radiyo Rwanda, Prof Karangwa yerekanye ko muri izo mpamvu izikomeye ari eshatu zirimo umutekano igihugu gifite muri iki gihe.

Yagize ati “Ikimenyetso cya mbere ni umutekano mu gihugu cyacu. Ubundi ahandi iyo amatora yegereje usanga hari imvururu, usanga abantu badatekanye, ndavuga muri Afurika cyane cyane, usanga bamwe batangiye gufata inzira zo kujya hanze y’igihugu, hano mu Rwanda uretse kubivuga, uretse ko bivugwa mu binyamakuru n’abantu bakabiganiraho ubundi ubona ko nta cyahindutse.”

“Hari umutekano usesuye, Abanyarwanda bari mu mirimo yabo isanzwe, Abanyarwanda ntakibahungabanyije, Abanyarwanda ntabwo bafite kuvuga ngo ayi bambe we turapfuye, ahubwo Abanyarwanda barifuza ko yaba vuba.”

Ikindi ashingiraho yemeza ko amatora azagenda neza ni amahitamo y’Abanyarwanda bagaragaje mu 2015 ubwo bajyanaga ubusabe ku Nteko Ishinga Amategeko bashaka ivugururwa ry’Itegeko Nshinga.

Muri iryo vugurura niho binyuze muri Referendumu hahinduwe ingingo ya 101 yazitiraga Perezida Paul Kagame kuba yakongera kwiyamamaza nyamara Abanyarwanda bagaragaza ko bakimukeneye gukomeza kubayobora.

Iki na cyo Prof. Karangwa agishingiraho avuga ko kunyurwa kw’Abanyarwanda, bishimira ibyo bagezeho, bakifuza ko uwo musingi bawukomeza na byo bitanga icyizere ko amatora azagenda neza.

Icya gatatu gikomeye Prof Karangwa avuga ni ukuba amatora yo mu 2003 yaragenze neza nyamara u Rwanda ari bwo rwari rugisohoka mu bihe bikomeye by’ibihe by’inzibacyuho nyuma ya Jenoside yakorewe Abatutsi. Ariko icyo gihe na bwo amahitamo yabo agashingira ku kwifuza kutazasubira mu mateka mabi igihugu cyanyuzemo.

Kuri ubu, Prof. Karangwa ati “Ubumwe bw’Abanyarwanda burasugiye kandi burasagambye.”

Nubwo Komisiyo y’amatora ataragera mu gihe cyo kwemeza abakandida, abarwanashyaka b’imitwe ya politiki itatu ikomeye mu Rwanda irahumeka umwuka umwe.

Mu matora y’inzego z’ibanze, abanyamuryango ba FPR Inkotanyi bakomeje gutora ku bwiganze bw’amajwi [100%] Perezida Kagame kuzaba ari we mukandida ubahagarira. Byongeye n’amashyaka PSD na PL yamutanzeho umukandida.

Indi mitwe ya politiki uretse uwa Green Party ni wo wemeje ko Dr Frank Habineza ko uzahatana mu matora.

COMMENTS

NO COMMENTS YET

LEAVE A COMMENT BELOW

OTHER NEWS

Imirambo y’abantu 20 bikekwa ko ari abimukira yatoraguwe ku nkombe z’ubutaka bwa Espagne buhana imbibi na Morocco

BBC dukesha iyi nkuru ivuga ko aba bantu uko ari 20 bose birakekwa ko ari (...)

By | 5 February 2018 | 0 (comments)

Abimukira barasaniye mu Bufaransa

Ministre w’Umutekano w’Imbere mu Gihugu, Gerard Collomb, yahise agera muri uyu (...)

By | 2 February 2018 | 0 (comments)

Kutavuga rumwe hagati y’urukiko n’Ubutegetsi bwa Kenya ku bitangazamakuru byafunzwe

Ibyo binyamakuru byaherukaga gufungwa bizira gukurikirana ibikorwa by’irahira rya (...)

By | 2 February 2018 | 0 (comments)

Abacukuzi b’amabuye y’agaciro 955 batabawe-Afurika y’Epfo

Kugeza ubu habarurwa abantu 955 bari mu nda y’isi nyuma y’impanuka yabaye (...)

By | 2 February 2018 | 0 (comments)

Abantu basaga ijana bamaze kugwa mu bitero bya Turikiya

Urugamba rurakomeje ku munsi warwo wa 13 mu gace ka Afrin kari mu majyaruguru ya (...)

By | 1 February 2018 | 0 (comments)

Follow us

Read our latest news on any of these social networks