April 27 2019

Abakozi 10 b’ibitaro bya Kirehe bakatiwe gufungwa imyaka 7 bazira kunyereza arenga miliyoni 67 Frw

 

Harabura amasaha abarirwa ku ntoki ngo abanyarwanda b’imbere mu gihugu batangire gutora Perezida wa Repubulika uzabayobora mu myaka irindwi iri imbere, hagati y’abakandida Mpayimana Philippe, Dr.Habineza Frank na Kagame Paul.

Amatora ya Perezida wa Repubulika akorwa mu buryo butaziguye kandi mu ibanga hakoreshejwe urupapuro rw’itora. Utora atera igikumwe cyangwa akavivura mu kazu kabugenewe gakurikira akarimo ifoto y’umukandida ahaye ijwi.

Niyo mpamvu buri munyarwanda asabwa kwita ku buryo bwo gutorera ku rupapuro rw’itora nyirizina no kuruzinga kugira ngo ijwi rye ritaba impfabusa.

Uburyo bwo gutora

Amabwiriza ya Komisiyo y’igihugu y’amatora (NEC) agenga itora rya Perezida wa Repubulika mu 2017, asobanura ko urupapuro rw’itora rukoreshwa mu itora rya Perezida wa Repubulika ari ururiho urutonde rw’amazina y’abakandida bemejwe, bakurikiranye hakurikijwe uko kandidatire zakiriwe.

Uru rupapuro rufite utuzu tune; akazu ka mbere karimo amazina y’umukandida, aka kabiri karimo ikirango cy’umutwe wa politiki cyangwa umukandida wigenga, aka gatatu karimo ifoto y’umukandida naho aka kane ni agaterwamo igikumwe cyangwa kakavivurwamo mu gihe cy’itora.

Bisobanuye ko hakurikijwe uko kandidatire zakiriwe na Komisiyo y’amatora, umukandida w’ishyaka riharanira demokarasi no kurengera ibidukikije, Habineza Frank ariwe ubanza, agakurikirwa na Mpayimana Philippe wigenga, hagaheruka Kagame Paul w’ishyaka FPR-Inkotanyi.

Kuzinga urupapuro rw’itora

Uburyo bwo kuzinga urupapuro rw’itora ni ikintu cy’ingenzi mu matora ya Perezida wa Repubulika kuko bikozwe nabi bituma ruba impfabusa.

Amabwiriza ya NEC avuga ko umuseseri ushinzwe gutanga impapuro z’itora agomba kwereka buri muntu ugiye gutora uburyo azinga urupapuro rw’itora, ariko akarumuha rurambuye.

Aya mabwiriza agira ati “Utora amaze gutera igikumwe kiriho wino cyangwa kuvivura mu kazu kabugenewe, igihe akiri mu bwihugiko azinga ubwa mbere urupapuro yatoreyeho mu buhagarike akongera akaruzinga ubwa kabiri mu butambike, kugira ngo abone uko arushyira mu gasanduku k’itora.”

Akomeza avuga ko utora yirinda ko wino yashyize ku gikumwe yanduza urupapuro yatoreyeho kuko bishobora gutuma ruba impfabusa.

Ni ryari urupapuro rubarwa nk’impfabusa?

Urupapuro rw’itora ruba impfabusa iyo rudahuje n’ibiteganywa n’itegeko cyangwa amabwiriza ya komisiyo y’amatora agenga amatora, ruriho ibimenyetso binyuranye n’ibyateganyijwe gukoreshwa, rutagaragaza bihagije umukandida watowe cyangwa uwatowe akaba yimenyekanishije kuri urwo rupapuro.

Ni urupapuro kandi rwashyizwe mu gasanduku ariko rutatoreweho, rwanditseho ibindi bintu, rwatoreweho umukandida wakuyemo kandidatire ye cyangwa wahagaritswe. Rubarwa nk’impfabusa kandi iyo ikimenyetso gikoreshwa mu itora kiri hagati y’abakandida babiri.

Komisiyo y’amatora yatangaje ko Abanyarwanda bari kuri lisiti y’itora bangana na 6897076. Ivuga ko yacapishije impapuro zose z’itora miliyoni zirindwi, zitwara amafaranga y’u Rwanda asaga miliyoni 160.

COMMENTS

NO COMMENTS YET

LEAVE A COMMENT BELOW

OTHER NEWS

Ngororero: Hari abacyakwa ruswa n’inzego z’ibanze

Mu gutangiza icyumweru cyahariwe ubutabera bamwe mu baturage bo muri aka ka (...)

By | 20 March 2019 | 0 (comments)

Nyamazi: Umudugudu wubatsemo uruganda rw’amazi ariko bakavoma ibishanga

Abo baturage ni abo mu mudugudu wa Nyamazi muri metero nke cyane z’aho urwo (...)

By | 20 March 2019 | 0 (comments)

Amajyepfo: Abakora muri gahunda ya VUP ntibazongera kudahemberwa igihe

Bamwe muri aba baturage bakora muri iyi gahunda bavuga ko baba barakoze ariko (...)

By | 20 March 2019 | 0 (comments)

Nyagatare :Akurikiranweho kwica abana 4 b’abaturanyi be

Ubu bwicanyi bwabereye mu kagari ka Nyakigando mu mudugudu wa Kabeza ho mu (...)

By | 19 March 2019 | 0 (comments)

Abapolisikazi basabwe kwibuka n’inshingano za kibyeyi

Ibi byagarutsweho na Minisitiri w’Ubuzima Dr Diane Gashumba ubwo yafunguraga ku (...)

By | 18 March 2019 | 0 (comments)

Follow us

Read our latest news on any of these social networks