October 1 2018

António Guterres yasabye Kabila kuva ku butegetsi

Umunyamabanga Mukuru w’Umuryango w’Abibumbye, António Guterres, yasabye Perezida wa Repubulika Iharanira Demokarasi ya Congo, Joseph Kabila, kubahiriza amasezerano yo kurekura ubutetetsi nyuma y’uko abantu umunani batavuga rumwe na we baguye mu myigaragambyo.

 

Kabila yagiye ku butegetsi mu 2001, hakaba hashize umwaka agiranye amasezerano n’abatavuga rumwe na we ko azarekura ubutegetsi mu gihe manda ye izaba igeze ku musozo.

Muri iki gihugu hakomeje kuba imvururu n’imyigaragambyo kuva manda ye yarangira akanga kuva ku butegsti ahubwo amatora yari ateganyijwe mu 2016 akimurirwa mu 2018, bitera benshi kwibaza ko yaba ashaka kuyobora indi manda.
Mu itangazo ryashyizwe ahagaragara ku cyumweru, Guterres, yasabye abanyapolitiki bo muri RDC kuzubahiriza amasezerano yashyizweho umukono ku wa 31 Ukuboza 2016, nk’uko inkuru ya The Eastafrican ibivuga.

Guterres yavuze ko ayo masezerano ari yo asigaye mu bishobora gutuma habaho amatora muri icyo gihugu, akazaba ari na yo mvano y’amahoro n’inzira nziza yo guhererekanya ubutetsi muri icyo gihugu.

Abantu umunani baguye mu myigaragambyo yabaye ku cyumweru mu gihe abandi benshi batawe muri yombi n’inzego z’umutekano.
Izo nzego zageragezaga guhagarika imyigarambyo mu mujyi wa kinshasa no mu yindi yo hirya no hino mu gihugu.

Guterres yahamagariye guverinoma n’inzego z’umutekano kubahiriza uburenganzira bw’abaturage ba Congo bakemererwa kuvuga no guhurira aho bashaka.
RDC nubwo ikungahaye ku mabuye y’agaciro, ntiyigeze igira ihererekanya ry’ubutegetsi riciye mu mahoro kuva yabona ubwigenge mu 1960.

Kabila yasimbuye ku butegetsi se, Laurent Kabila mu 2001, yanga kurekura ubutegetsi ubwo manda ye ya kabiri yari igeze ku musozo mu ukuboza 2016.

COMMENTS

NO COMMENTS YET

LEAVE A COMMENT BELOW

OTHER NEWS

I MUSANZE: Aruhutse kurara anyagirwa we na buzukuru be

Bamvuganumva Sifa umubyeyi w’imyaka 64 y’amavuko utuye mu mudugudu wa Kabogobogo (...)

By | 1 October 2018 | 0 (comments)

Urubyiruko rwa afrika rw’abakorerabushake bitabiriye amahugurwa mu Rwanda

Kuva mu 2010 iyi ni inshuro ya 9 Afrika yunze ubumwe ihurije hamwe urubyiruko (...)

By | 1 October 2018 | 0 (comments)

Ibihuha ni imbogamizi muri gahunda zo kuboneza urubyaro:RBC

Imibare irerekana ko ubu abanyarwanda barenzeho gato miliyoni 12, (...)

By | 26 September 2018 | 0 (comments)

Ubukungu bw’ u Rwanda buzazamukaho 7.2%mu mwaka wa 2018: BNR

Banki nkuru y’u Rwanda ivuga ko ibipimo by’aya mezi 8 y’uyu mwaka wa 2018 (...)

By | 25 September 2018 | 0 (comments)

Perezida wa Sena yasabye Abanyarwanda kurwanya ibitekerezo byo kudakunda ibyabo

KANDA HASI INKURU IRAMBUYE MU MASHUSHO .

By | 24 September 2018 | 0 (comments)

Follow us

Read our latest news on any of these social networks