October 17 2017

Nyabihu: Inkuba yahitanye batatu

Inkuba yakubise umubyeyi n’abana be babiri barapfa mu Karere ka Nyabihu, Umurenge wa Rurembo, Akagali ka Gitega ni mu Ntara y’Uburengerazuba.

 

Uwo mubyeyi iyi nkuba yamwicanye n’abana be babiri harimo inshuke y’imyaka itanu ndetse n’uruhinja rw’amezi abiri yari ahetse kuri uyu wa kabiri taliki 10 Ukwakira.

Umunyamabanga Nshingwabikorwa w’Umurenge wa Rurembo Ndandu Marcel yemeje aya makuru avuga ko uyu muryango wahuye n’ibi byago ubwo nyina w’aba bana yari avuye guhinga.

Uyu muyobozi akomeza avuga ko bahise bajyanwa ku bitaro bya Kabaya kureba icyabishe, kuri ubu ngo ubuyobozi bw’Akarere ka Nyabihu bufatanije n’Umurenge bakaba bagiye kubashyingura ndetse ngo ibikenerwa byose muri iki gikorwa bikaba bitangwa n’Akarere kuko aba bantu bazize ibiza.

N’ubwo iyi mvura yaguye ari nyinshi muri aka gace ngo nta bindi bintu yangije nko gusenya amazu ndetse n’imyaka y’abaturage nk’uko byagenze mu minsi mike ishize mu bice bitandukanye byo mu gihugu.

Akarere ka Nyabihu, Rutsiro na Karongi ni tumwe mu turere tw’Intara y’Uburengerazuba dukunze kwibasirwa n’inkuba.

COMMENTS

NO COMMENTS YET

LEAVE A COMMENT BELOW

OTHER NEWS

’Nabashyingiye bakiri amasugi’ Janet Museveni

Ubu butumwa Janet Museveni yabutangiye mu karere ka Kyenjojo, ubwo hizizwaga (...)

By | 16 October 2017 | 0 (comments)

Kenya: Abamaze kugwa mu mvururu za nyuma y’amatora babarirwa muri mirongo

Icyegeranyo cy’Imiryango Amnesty International na Human Rights Watch kivuga ko (...)

By | 16 October 2017 | 0 (comments)

Somaliya: Minisitiri w’Ingabo n’Umugaba mukuru beguye

Avugana na Radio Ijwi ry’Amerika ,Minisitiri Ushinzwe Itangazamakuru muri icyo (...)

By | 13 October 2017 | 0 (comments)

Kenya: Imyigaragambyo yahahagaritswe mu turere 3

Fred Matiangi ,Agendeye ku mabwiriza agenga abaturage ndetse n’ayagenga ’ibikorwa (...)

By | 12 October 2017 | 0 (comments)

Nyabihu: Inkuba yahitanye batatu

Uwo mubyeyi iyi nkuba yamwicanye n’abana be babiri harimo inshuke y’imyaka itanu (...)

By | 11 October 2017 | 0 (comments)

Follow us

Read our latest news on any of these social networks