November 16 2017

Premier League: Arsenal iracakirana na West Brom

West Brom iri mu mujyi wa London, aho kuri uyu wambere yakirwa ku kibuga cy’ikipe ya Arsenal, Emirates stadium, mu mukino wibutsa The Baggies ibyo yakoreye The Gunners mu mukino uheruka kubahuza.

 

Iyi ikipe itozwa n’umusaza Tony Pulis ikunze kugorwa n’urugendo rwerekeza i London, cyane iyo yerekeza mu majyaruguru gukina n’ ikipe ya Arsenal. Gusa babashije gusubiramo umukino w’ingufu bagaragaje ku kibuga cyabo The Hawthorns mu kwezi kwa gatatu ubwo bahigikikaga iyo kipe y’abarashi bakayinyabika 3-1 ngo amanota atatu yaba ari ayabo nta kabuza.

Uwo mukino wateje impagara mu ikipe ya Arsenal. Hatangiye kwibazwa ku hazaza k’ umutoza Arsene Wenger. Indege za gurukijwe ziriho ubutumwa busaba uwo musaza kwegura ari nako hagurutswa izindi zimushyigikiye, zimushimira, zimusaba kuguma gutoza iyo kipe y’Arsenal. Ari nako kandi ikipe ya West Bromwich Albion irusha bigaragara ikipe y’ Arsenal.

Nubwo iyi kipe yo mu Burengerazuba bw’Ubwongereza irushya inota rimwe gusa ikipe ya Arsenal muri shampiyona y’Ubwongereza uyu mwaka, nta gisa n’intsinzi yari yakura kuri iki kibuga cya Emirates mu myaka irindwi ishyize, nta n’inota yewe irahakura.

Ni umukino uri butangire i saa tatu(9pm) zuzuye ku isaha y’i Kigali ku kibuga cya Emirates. Aho Arsenal iri bwakire West Brom Albion kuri uyu wa mbere.

Mesut Ozil utaragaraye mu umukino wabahuje na mukeba ariwe Chelsea kubera imvune ashobora kugaruka muri uyu mukino usanzwe ugora ikipe ya Arsenal. Uyu kabuhariwe w’Umudage amaze iminsi micye agarutse mu myitozo ni nyuma y’imvune idakanganye yagize mu ivi. Theo Walcott ashobora kugaruka ni nyuma y’aho asimbuwe kubera imvune mu mukino wo mu gikombe cya Carabao, ubwo Arsenal yatsindaga Doncaster.

Abakinnyi nka Francis Coquelin, Santi Cazorla yewe na Danny Welbeck ntimubitege kuri uyu mukino hamwe na Column Chambers ufite ikibazo mu kibero.

Ku rundi ruhande, Gareth Barry ukinira The Baggies nkuko batazira iyo kipe ikinira The Hawthorns naramuka akinnye, araca agahigo k’umukinnyi ugaragaye mu mikino myinshi mu mateka ya Premier league.

Uyu mukinnyi wo mu kibuga hagati w’imyaka 36 yatangiriye urugendo rwe nk’umukinnyi wabigize umwuga mu ikipe ya Aston Villa muri 98. Nagaragara muri uyu mukino, araba akinnye umukino wa 633 akureho agahigo kari gafitwe na Ryan Giggs.

Chris Brunt, Naser Chadli ndetse Oliver Burke ntibari bugaragare kuri uyu mukino kubera ibibazo by’imvune.

Dawson atsinda igitego n'umutwe
Robson-Kanu yatsinze igitego nyuma y'iminota micye asimbuye
Alexis Sanchez ushobora gutangira mu kibuga
Lacazette ufite ibitego bibiri

COMMENTS

NO COMMENTS YET

LEAVE A COMMENT BELOW

OTHER NEWS

Premier League: Arsenal iracakirana na West Brom

Iyi ikipe itozwa n’umusaza Tony Pulis ikunze kugorwa n’urugendo rwerekeza i (...)

By | 25 September 2017 | 0 (comments)

U Rwanda rwatsinzwe na Uganda rubura itike ya Afrobasket

Imikino y’akarere ka 5 yaberaga i Kampala yasojwe u Rwanda rutsinzwe na Uganda (...)

By | 7 August 2017 | 0 (comments)

Losciuto yasezeye gutoza Rayon Sports asabwa miliyoni 5 Rwf

Jean - François Losciuto wari umutoza wa Rayon Sports yamaze kwandikira iyi kipe (...)

By | 7 August 2017 | 0 (comments)

Umuyobozi wa FERWAFA ku rutonde rw abasaba agahimbazamusyi kemerewe abakinnyi

Perezida w’Ishyirahamwe ry’umupira w’amaguru mu Rwanda (Ferwafa) niwe uyoboye (...)

By | 7 August 2017 | 0 (comments)

Laurent Blanc ashobora kutazoroherwa

Laurent Blanc, umutoza w’ikipe ya Paris Saint Germain mu gihugu cy’ubufransa,ashobora

By | 7 August 2017 | 0 (comments)

Follow us

Read our latest news on any of these social networks